Məktəbdə şagirdin bullinqə məruz qalıb-qalmadığını necə müəyyən etməli?

BİR NEÇƏ GÜN VƏ YA 2-3 HƏFTƏ ƏRİZİNDƏ ÖVLADLARINIZI MÜÇFHİDƏ EDİN.
BƏNDLƏRİ OXUYUN VƏ SEZDİYİNİZ ƏLAMƏTLƏRİ QEYD EDİN

• Davranışı nəzərəçarpacaq dərəcədə dəyişib: sakit uşaq birdən çığırqan və əsəbi; fəal uşaq — məyus və fikirli; ünsiyyətcil uşaq — kədərli və qapalı olub.
• Məktəbə getmək istəyi aradan qalxıb: dərsə davamiyyəti pozan səbəblər gətirir; özünü xəstə kimi göstərir; evdən çıxır, amma məktəbə getmir.
• Çox xəstələnməyə başlayıb: tez-tez soyuqdəymə, baş ağrıları, bağırsaq pozğunluqları (xüsusilə tətildə deyil, məktəb dövründə).
• Akademik göstəriciləri kəskin şəkildə aşağı düşüb.
• Məktəb həyatına dair xəbərləri paylaşmaqdan çəkinir (əvvəllər ətraflı paylaşardı).
• Dərsdənkənar işlərdən qaçmaq üçün əlindən gələni edir (ekskursiyalar, yürüşlər, çay dəstgahları və s.).
• Əşyaları tez-tez yoxa çıxır (uşaq onları itirdiyini söyləyə bilər).
• Özü sinif yoldaşlarını ziyarətə getmir və onları öz evinə dəvət etmir; onu ad günü məclislərinə dəvət etmirlər.
• Onu məktəbə aparmağınızı və məktəbdən götürmənizi xahiş edir, baxmayaraq ki, əvvəllər özü gedib-gəlirdi.
• Uşağın bədənində səbəbini izah edə bilmədiyi qançırlar və sıyrıqlar görürsünüz.
• Tez-tez sizdən məktəb üçün pul istəyir və aldığı məbləğ getdikcə artır.
• Uşağın özünə hörməti kəskin şəkildə azalıb, uşaq çox narahatdır, özünə güvənmir, özünü heç nəyə yaramaz hesab edir.    

HƏR BİR TƏSTİQ CAVABI — 1 BAL
Balların sayını hesablayın — bu sizin test nəticənizdir.

NƏTİCƏLƏR:

0-2 bal
Çox güman ki, narahat olacaq bir şey yoxdur: müvəqqəti çətinliklər, əhval-ruhiyyənin və akademik göstəricilərin aşağı olması hər kəsin başına gəlir. Baş verənləri izləyin.  Situasiya pisləşərsə, müdaxilə edin və tədbir görün.  

3-5 bal.

Görünür, vəziyyət daha ciddidir və uşağın məktəbdə problemləri var. Bunu ehtiyatla araşdırmaq lazımdır. Əgər övladınıza və ya onun sinif yoldaşlarına qarşı emosional və/və ya fiziki zorakılıq faktlarından xəbərdar olsanız, dərhal hərəkətə keçin.

6-12 bal

Situasiya kritikdir, çox güman ki, uşaq məktəb bullinqinin qurbanıdır. Siz dərhal müdaxilə etməlisiniz. Övladınızdan nə baş verdiyini ətraflı soruşun, ona dəstək olun, faktları toplayın və məktəb rəhbərliyini xəbərdar edin. Anlayış və yardım yoxdursa, sinfi/məktəbi dəyişdirmək barədə ciddi şəkildə düşünün.