BULLINQIN ŞAHIDISƏNSƏ, NƏ ETMƏLI? 

Bullinq belə görünür:
Eyni şəxsə qarşı mütəmadi olaraq bunlar baş verir:

• Onu təhqir edirlər
• Ona təhqiramiz ləqəblər qoyurlar
• Ona gülürlər
• Onunla salamlaşmırlar və onunla əyləşmək istəmirlər
• Barəsində şayiə və dedi-qodu yayırlar
• Onun təhqir olunduğu söhbət qrupları yaradırlar
• Onun əşyalarını əlindən alır və ya korlayırlar
• Onu təhdid edirlər
• Onu itələyir və ya döyürlər

Bullinq norma və oyun deyil! Bu zorakılıqdır!

Əgər bir insanı incitmirsən, ancaq başqasına qarşı bu siyahıdan nələrisə görürsənsə, demək ki, sən bullinqin şahidi olursan. 

Özünü müxtəlif cür hiss edə bilərsən: 

• İncidilən şəxsə görə narahat ola bilərsən
• Davranışlarına görə aqressorlara qəzəblənə bilərsən
• Kömək edə bilmədiyinə görə özünə qəzəblənə bilərsən
• Özünü günahkar hiss edə bilərsən
• Özünü əlacsız hiss edə bilərsən
• Aqressiyanın sənə qarşı olmadığına görə sevinə bilərsən və sairə.

KEÇİRDİYİN İSTƏNİLƏN HİSS – NORMALDIR

BULLİNQƏ QOŞULMAQ – NORMAL DEYİL

BULLİNQLƏ RASTLAŞIRSANSA HƏRƏKƏTSİZ QALMA!

Əsas “OLMAZ”lar!

• Bullinqdə iştirak ETMƏ
• Baş verənləri kameraya ÇƏKMƏ
• Söyüşlərə QOŞULMA
• Bullinqin baiskarını DƏSTƏKLƏMƏ
• Təhqiredici zarafatlara GÜLMƏ

Bullinqə məruz qalanı dəstəklə

1. 1. Xeyirxah ol: salamlaş və sağollaş, görüşəndə gülümsə, nələrisə paylaş.
   2. Dəstəyi sözlərlə ifadə et: “Mən sənə qarşı olan rəftarı dəstəkləmirəm”, “Bu ədalətsizlikdir və yanlışdır”, “Heç kim belə rəftara layiq deyil”.
   3. Əgər keçmişdə bullinqdə iştirak etmisənsə, peşman olduğunu söylə.
   4. Mümkünsə, bullinqə məruz qalan şəxsi birlikdə nahar etməyə, oynamağa və ya söhbət etməyə dəvət et, birlikdə evə qədər getməyi, ortaq layihə etməyi təklif et.

• Səpələnmiş şeyləri toplamağa kömək et, onu yuyunmağa apar, ona yolu göstər, suala cavab ver. 

BULLİNQİ DAYANDIRMAĞA ÇALIŞ

(əlbəttə, bu hərəkətlər sənə zərər vermirsə)

• Təkbətək söhbətdə aqressora de: “Sən səhv edirsən!”, “Bu işdə səni dəstəkləmirəm!”, “İnsanlarla belə davranmaq olmaz!”.

• Bullinqlə rastlaşdıqda onu bu sözlərlə dayandır: “Nə edirsiniz? Belə olmaz!”, “Bəsdirin, bu bullinqdir!”.  

• Dostlarınla razılaş ki, səni dəstəkləsinlər və bullinqi dayandırmaqda sənə kömək etsinlər.

Güvəndiyin böyüklərə – məsələn, valideynə, müəllimə
və ya məktəb psixoloquna bullinq haqqında mütləq xəbər ver.

Əziz dost!

Biz bilirik ki, başqa bir insanın arxasında durmaq elə də asan deyil.
Bu cəsarət tələb edir.

Biz inanırıq ki, sən başqasının ağrısına etinasız qalmırsan. 
Bullinq qurbanı özünü pis hiss edəndə sənin ona göstərdiyin dəstək və yardım bullinqi dayandıracaq.